މުސްލިމުންގެ ދުސްމަނުން އަބަދުވެސް ތިބޭނީ ދަނޑިވަޅަށް ބަލާށެވެ.
ދުނިޔޭގައި އެކުވެރި ދައުލަތްތަކޭ ކިޔާ ޖަމުޢިއްޔާއެއް ދެވަނަ ބޮޑު ހަނގުރާމައަށްފަހު އުފައްދާފައި އެވަނީ ދުނިޔެ ސުލުޙަ ކުރާށޭ ބުނެވޭނެ އެއްވެސް ޖާގައެއް އަޅުގަޑުހިތުން ނެތެވެ. އެކަމުގެ ބޭނުމަކީ ޔަހޫދީންނާއި ކުރިސްޓިއަނުން އެއްގަލަކަށް އަރާ މުސްލިމުން ސުންނާފަތި ކުރުމެވެ. ދުނިޔޭގެ ވެރިކަމުގައި އެބަޔަކަށް ތިބެވޭނެހާ ގޮތްތައް ރާވައި ދުނިޔޭގެ ބާރެއް ކަމަށް މުސްލިމު ދައުލަތެއް އަޔަ ނުދިނުމެވެ.
އެހީތެރިކަމާއި އެއްބާރު ލުމުގެ ފަރުދާ ދައްމަވައިގެން މުސްލިމު ޒުވާނުންގެ ސިކުޑިތަކަށް އިބްލީސްފާވާހެން ފާވަމުން ދަނީ ހެޔޮއެދޭ ފަރާތެއްގެ ދަޅަ ، ސިޔާސީ ގޮތުން އިންތިހާއަށް ދައްކައިގެންނެވެ. އަސްކަރީ ހަގުރާމަ ތަކުގައި ލިބިފައިހުރި ނާކާބީތަކަށް ވިސްނާ އެމީހުން ފިކުރީ ހަގުރާމަކުރަމުން ޢަސްކަރީ ގޮތުން މުސްލިމުންނަށްވުރެ މިއަދު އެވަނީ ބާރު ގަދަވެފައެވެ. ޔޫއެން އުފެދުމަށްފަހު އެންމެ ބާރު ގަދަ ޤައުމުތަކުން މުސްލިމު ޤައުމުތައް އިސްތިޢުމާރު ކުރަން ފެށިއެވެ. އެގޮތުން ދިވެހި ރާއްޖެވެސް މިކަމުގައި އަޅުވެތި ވެފައިވާކަން ތާރީޚު ހެކިދެއެވެ. ސަބަބުތަކެއް ނެތިއެއްނޫނެވެ. ވެރިކަމުގެ މައްސަލަތަކެވެ. ކޮންމެ މީހަކުވެސް ބޭނުން ވަނީ ޤައުމުގެ އެންމެ އިސްމަޤާމެވެ. މިހެން މިކަން ވުމުގެ ސަބަބުން މުސްލިމުންގެ ދުސްމަނުން ދަނޑިވަޅުތަކުގެ ބޭނުން ތަފާތު ގޮތްގޮތަށް ޙާޞިލު ކޮށްފައިވާކަން އެގެއެވެ.
މި ލިޔުމާއި މެދު ދެކެނީ ކިހިނެއް؟
ގަޔާވޭ
0
ގަޔާނުވި
0
ލޯބިވެއްޖެ
0
މަޖާ
0
ރުޅިއައިއްސި
0
ދެރަވެއްޖެ
0
ބަސްހުއްޓިއްޖެ
0
